Chegada da primavera

 Como vén facendo nos anos anteriores, a primavera chega ao cole dándonos a súa benvida do mellor xeito. Cando o tempo comeza a quentar, os bulbos de tulipáns que os pequenos e pequenas do centro plantaron coas súas mans comezan a asomar timidamente. É toda unha delicia poder contemplar esta obra de arte coa que a Natureza nos recibe ao chegar á escola. Queremos compartila con vós por se non tedes ocasión de poder vela xa que, como sabedes, a beleza é unha calidade efémera.