Eco-Reto “LIMPAMOS”

 A proposta que nos entregaron para o mes de outubro foi a de “Limpamos”. Levamos anos facendo un percorrido pola ribeira do río Landro no que, ademais de aprender sobre flora e fauna da man de técnicos de Medio Ambiente da nosa contorna, aproveitamos para facer unha limpeza.

Cada anos caemos na conta da cantidade de plásticos, envases ou grandes obxectos que xa non teñen valor para a xente que van parar ás beiras do río ou ás súas augas. É moi importante que as pequenas xeracións que forman as nosas Comunidades perciban esta realidade como unha ameaza para o medio e non simplemente como unha realidade que non se pode cambiar. Dende o centro e, máis concretamente, desde o equipo de Voz Natura queremos que os ollos das persoas non se acostumen a ver o lixo como parte da paisaxe, queremos prender unha chispa de solidariedade coa Natureza, queremos que os nosos bisnetos e bisnetas se sintan orgullosos de nós.


No seguinte vídeo poderedes ver a nosa pequena aportación: unha xornada levada a cabo polo alumnado de 5º e 6º de primaria na que tivemos a sorte de contar coa compaña de Lucas Requejo, entusiasta ao que sempre estamos dispostos a escoitar.
Sigamos aprendendo dos nenos e nenas e mostrémoslle o mellor camiño a seguir.





Comentarios

Publicar un comentario

Entradas populares de este blog

Limpeza río Landro feita polo alumando de 1o e 2o de primaria.

Imagen
 Os pequenos e pequenas de primaria tamén tiveron a súa oportunidade para poder mellorar o entorno. Nesta ocasión o alumnado traballou na ribeira do Landro, aínda que esta vez comezaron pola parte máis próxima á desembocadura do río, rematando no punto de observación de aves. Unha das partes máis conflitivas de todo o percorrido foi xustamente unha zona do parque infantil que hai ao principio do camiño. O lugar onde hai situado unha pequena caseta cun banco estaba moi sucio, polo que acoutamos este sitio. Foi unha pena que algo destinado para a infancia se lle dea un uso que non lle corresponde, impedindo a este sector da sociedade o acceso a el. Unha vez máis, o que salientaba o alumnado era a cantidade de cabichas atopadas. Moitos deles e delas ían pensando que lle ían dicir aos seu familiares fumadores sobre este tema, pero o que si tiñan claro era que había que empregar as papeleiras. Pero ademais de fomentar esta conciencia ecolóxica e desfrutar dun momento para o lecer, aproveita
Leer más

Educación Infantil Limpeza.

Imagen
 O luns pola mañá dispuxémonos a facer a primeira das actividades a favor da Nai Terra. Esta vez tocoulles aos máis pequenos do centro. O alumnado de Educación Infantil foi quen se puxo “mans ao plástico”. Despois dunha pequena charla na que falamos da importancia de non tirar o lixo ao medio, diferenciando aquilo que é plástico do que son elementos naturais, puxemos os guantes e comezamos a tarefa. Logo dun tempo de traballo, as bolsas comezaron a encherse. Temos que dicir que a praia de Area, comparada con outras, está especialmente limpa. Aínda así, a pesar de que parecía que non había nada de lixo, recollemos moitos restos de aparellos, cordas, algunha botella e tapóns e outros materiais. Os nenos e nenas tamén recolleron algo que lles pareceuun plástico, pero non o era. Atoparon un ovo de raia que confundiron con este material. Despois da recollida tocou lavar mans e tomar unha boa merenda nas mesas. Nesa zona íanse fixando e vían tamén residuos no chan, moitos deles eran cabichas
Leer más

Rematando a tempada.

Imagen
 O final de curso é emocionante para todas as persoas do centro. É un tempo de cambios, proxectos que se van cerrando e outros que xorden a última hora, distintas maneiras de aproveitar o patio polo tempo que nos acompaña, visitas ao centro inesperadas e outras xa programadas, excursións fixadas e saídas non previstas... unha tolería da que nos deixamos contaxiar cada ano. O invernadoiro do centro tamén se contaxia deste ritmo frenético de final de curso. Hai que ir recollendo as verduras e hortalizas que xa teñen rematado o seu ciclo e repoñelas por outras que amosen o seu esplendor en setembro, cando esteamos todos e todas de volta. Volven ter presenza os vexetais que plantamos cada tempada, como os pementos ou os allos porros, colándose outros de maneira fortuíta, como as remolachas ou as fabas de Lourenzá. Todos eles darannos, no mellor dos casos, a súa benvida no novo curso. E durante o verán tocaralles medrar, asociándose con outras plantas que lle sexan beneficiosas, collendo a
Leer más