AS MÁSCARAS. “A ti xa te protexeu, agora protexe ti ao planeta”

 Desde a situación xerada pola Covid as máscaras convertéronse nun “complemento” esencial para a protección da nosa vida. O seu uso pasou de ser algo esporádico, vencellado a un grupo moi concreto da poboación, a ser algo que pertence ao día a día dos seres humanos de todo o planeta. Este feito fai que, inevitablemente, centos de miles de máscaras sexan empregados diariamente pola poboación mundial. Debemos empregalas para protexernos e protexer a vidas dos demais. O problema vén cando a maneira de desbotalas non é a axeitada. Desde marzo deste ano, desafortunadamente, as máscaras pasaron tamén a ser parte da paisaxe, podéndoas atopar tiradas polas rúas, montes, praias,... converténdose en novas trampas para os animais mariños e terrestres. Unha vez máis a Natureza se atopou de frente co ser humano, unha vez máis o ser humano pretende darlle as costas á Natureza.

Imaxe tomada durante un paseo polo monte. Setembro 2019

Desde o centro vimos a necesidade de poñer este problema sobre mesa. O noso alumnado buscou a maneira de chegar á Comunidade Educativa, en concreto, e a sociedade, en xeral, esta problemática, levando a cabo unha campaña de concienciación. Despois de ver os posibles problemas que podían vir acompañados pola maneira inadecuada de desbotar as máscaras chegaron a unha conclusión: antes de tiralas ao lixo habería que cortar ou arrincar as gomas, reciclándoas se é posible.
Deste xeito evitaríase que os animais se quedasen encerellados nelas. Iso si, despois de tiralas sempre

LAVAR AS MANS!





Comentarios

Publicar un comentario

Entradas populares de este blog

Limpeza río Landro feita polo alumando de 1o e 2o de primaria.

Imagen
 Os pequenos e pequenas de primaria tamén tiveron a súa oportunidade para poder mellorar o entorno. Nesta ocasión o alumnado traballou na ribeira do Landro, aínda que esta vez comezaron pola parte máis próxima á desembocadura do río, rematando no punto de observación de aves. Unha das partes máis conflitivas de todo o percorrido foi xustamente unha zona do parque infantil que hai ao principio do camiño. O lugar onde hai situado unha pequena caseta cun banco estaba moi sucio, polo que acoutamos este sitio. Foi unha pena que algo destinado para a infancia se lle dea un uso que non lle corresponde, impedindo a este sector da sociedade o acceso a el. Unha vez máis, o que salientaba o alumnado era a cantidade de cabichas atopadas. Moitos deles e delas ían pensando que lle ían dicir aos seu familiares fumadores sobre este tema, pero o que si tiñan claro era que había que empregar as papeleiras. Pero ademais de fomentar esta conciencia ecolóxica e desfrutar dun momento para o lecer, aproveita
Leer más

Educación Infantil Limpeza.

Imagen
 O luns pola mañá dispuxémonos a facer a primeira das actividades a favor da Nai Terra. Esta vez tocoulles aos máis pequenos do centro. O alumnado de Educación Infantil foi quen se puxo “mans ao plástico”. Despois dunha pequena charla na que falamos da importancia de non tirar o lixo ao medio, diferenciando aquilo que é plástico do que son elementos naturais, puxemos os guantes e comezamos a tarefa. Logo dun tempo de traballo, as bolsas comezaron a encherse. Temos que dicir que a praia de Area, comparada con outras, está especialmente limpa. Aínda así, a pesar de que parecía que non había nada de lixo, recollemos moitos restos de aparellos, cordas, algunha botella e tapóns e outros materiais. Os nenos e nenas tamén recolleron algo que lles pareceuun plástico, pero non o era. Atoparon un ovo de raia que confundiron con este material. Despois da recollida tocou lavar mans e tomar unha boa merenda nas mesas. Nesa zona íanse fixando e vían tamén residuos no chan, moitos deles eran cabichas
Leer más

Rematando a tempada.

Imagen
 O final de curso é emocionante para todas as persoas do centro. É un tempo de cambios, proxectos que se van cerrando e outros que xorden a última hora, distintas maneiras de aproveitar o patio polo tempo que nos acompaña, visitas ao centro inesperadas e outras xa programadas, excursións fixadas e saídas non previstas... unha tolería da que nos deixamos contaxiar cada ano. O invernadoiro do centro tamén se contaxia deste ritmo frenético de final de curso. Hai que ir recollendo as verduras e hortalizas que xa teñen rematado o seu ciclo e repoñelas por outras que amosen o seu esplendor en setembro, cando esteamos todos e todas de volta. Volven ter presenza os vexetais que plantamos cada tempada, como os pementos ou os allos porros, colándose outros de maneira fortuíta, como as remolachas ou as fabas de Lourenzá. Todos eles darannos, no mellor dos casos, a súa benvida no novo curso. E durante o verán tocaralles medrar, asociándose con outras plantas que lle sexan beneficiosas, collendo a
Leer más