Este curso tamén queremos poñer o invernadoiro en funcionamento. Durante o
primeiro trimestre foinos imposible traballar cos nenos e nenas, xa que o proceso de
adaptación á nova situación fixo que todo fose un pouco máis lendo. Ademais, Ao regresar
ás aulas despois de tanto tempo, atopamos todos os espazos que empregamos para o cultivo
un pouco salvaxes. A Natureza aproveitou a nosa ausencia e fíxose co espazo.
Pero non foron só as plantas as que medraron á súa vontade. Cando regresamos
atopamos moitos animais, aínda que ao notaren a nosa presenza desapareceron enseguida.
Durante o primeiro trimestre démoslle prioridade aos espazos dos máis pequenos e
pequenas do centro, á horta de infantil e ao xardín da entrada. Nese momento fomos os
mestres os que procuramos que o invernadoiro fose un lugar máis accesible para o alumnado
de primaria. Pero xa non podiamos esperar máis. Os nenos e nenas levan moito tempo
esperando por esta actividade, polo que non a demoramos. Levamos dúas semanas
traballando, quitando pedras grandes, desherbando, movendo a terra e estercando. A terra
xa está lista para recibir as nosas plantas. Este é o pequeno resumo do feito nas dúas primeiras
semanas no invernadoiro. Pero xa veredes que este curso a cousa non acaba aí.
Como en anos anteriores, o 24 de outubro, Día das Bibliotecas Escolares, damos a coñecer o proxecto dese curso ao resto da Comunidade Educativa. Esta vez, o comité de Voz Natura convidounos a levar accións que fosen destinadas a coidar a nosa biodiverdidade, a protexer a nosa flora e fauna. Dende o centro centramos este proxecto no microsistema que supón o noso patio. Se aprendemos a coidar o que temos máis próximo, o que sentimos como propio, extrapolaremos este coidado ao resto, á comunidade na que estamos inmersos. O feito de ter un patio no que poder xogar, correr, bailar, sachar, plantar, relaxarse, debuxar, falar, ler, ..., un patio onde poder medrar rodeados de grandes árbores e con espazos verdes con pequenos animaliños agochados nas herbas; un lugar que conta con espazos que ...
O final de curso é emocionante para todas as persoas do centro. É un tempo de cambios, proxectos que se van cerrando e outros que xorden a última hora, distintas maneiras de aproveitar o patio polo tempo que nos acompaña, visitas ao centro inesperadas e outras xa programadas, excursións fixadas e saídas non previstas... unha tolería da que nos deixamos contaxiar cada ano. O invernadoiro do centro tamén se contaxia deste ritmo frenético de final de curso. Hai que ir recollendo as verduras e hortalizas que xa teñen rematado o seu ciclo e repoñelas por outras que amosen o seu esplendor en setembro, cando esteamos todos e todas de volta. Volven ter presenza os vexetais que plantamos cada tempada, como os pementos ou os allos porros, colándose outros de maneira fortuíta, como as remolachas ou as fabas de Lourenzá. Todos eles darannos, no mellor dos casos, a súa benvida no novo curso. E durante o verán tocaralles medrar, asociándose con outras plantas que lle sexan beneficiosas, collend...
Hoxe estamos ben contentos no centro, temos unha celebración dobre. Por un ladotemos que é 5 de xuño, Día Mundial do Medio Ambiente. Este día é importante para todas as persoas do centro, especialmente para aquelas que formamos parte do proxecto Voz Natura. Dende o centro non deixamos de botar unha ollada á nosa contorna, ao ecosistema no que estamos inmersos e do que nos sentimos, en certo modo, responsables. A implicación da Comunidade Educativa en relación ao coidado de Medio Ambiente está comezando a agromar día a día. Neste momento podemos ver como comezan a aparecer pequenos gomos de conciencia colectiva. Vemos como moito do noso alumnado está deixando de lado o plástico das merendas, observamos como son moitas as persoas que comentan que van dar un paseo cunha bolsa para recoller o lixo que atopan ou empregan bolsas de tea no súper, observamos como se está espertando unha sensibilidade especial cara á vida que nos rodea. Esta situación fainos enormemente felices, dándonos á...
Comentarios
Publicar un comentario