O ENTROIDO. PREPARANDO O CAMIÑO

 Este ano non quixemos deixar de lado o noso Entroido. Non puidemos levar a cabo algunhas das actividades que se viñan facendo no centro en anos anteriores, como o desfile pola vila ou os talleres coas familias. Sabemos que eses momentos son importantes para o noso alumnado, pero a situación na que estamos inmersos non o permitían. Pero si puidemos levar a cabo os disfraces co alumnado de Educación Primaria e fixemos unha pequena peregrinación. O campo de acción para o percorrido foi o patio do centro, podendo simular nel as distintas etapas do Camiño do Mar que cada curso está traballando.

Outro ano máis a costura pasou a formar parte do noso micro mundo. Este ano, ao non poder xuntarnos coas familias elaboramos un vídeo titorial no que se explicaban os pasos a seguir para elaborar a capa de peregrino e tamén unhas instrucións en papel, para que as familias de Educación Infantil puidesen ter toda a información que lles permitise elaborar o disfrace, xa que elas serían as encargadas de confeccionar a capa dos seus nenos e nenas coa tea que lles proporcionou o centro.
O alumnado de 5º e 6º confeccionou na súa totalidade o seu disfrace, a capa e o gorro de peregrino. Os de 4º fixeron a maioría da súa capa, e os de 3º axudaron a coser á máquina parte dos disfraces dos máis pequenos. A confección dos disfraces de primeiro e segundo foi asumida polo alumnado de 6º de primaria, en colaboración co profesorado. Algunha familia tamén botou unha man desde as súas casas dándolle a máquina de coser. Moitas grazas!
Todos os gorros do alumnado de primaria foron cosidos a man por cada neno ou nena. Unha vez máis comprobamos a satisfacción que lles produce elaborar coas súas mans o seu material, sabéndolles a pouco o tempo que botaron cosendo. O alumnado de Educación Infantil tamén se animou coas agullas, dando o mellor deles neste traballo.
O feito de non empregar plásticos como material para o disfrace é un gran paso para o centro, dada a liña de acción e a meta que perseguimos de “Plásticos cero”. Ademais, elaborar un disfrace en tea vai levar a que non se desbote unha vez que remate o Entroido, vai ser un disfrace máis co que os nenos e nenas poden contar nas súas casas para os seus xogos, dándolle tantas vidas como eles e elas poidan.





Comentarios

Publicar un comentario

Entradas populares de este blog

Limpeza río Landro feita polo alumando de 1o e 2o de primaria.

Imagen
 Os pequenos e pequenas de primaria tamén tiveron a súa oportunidade para poder mellorar o entorno. Nesta ocasión o alumnado traballou na ribeira do Landro, aínda que esta vez comezaron pola parte máis próxima á desembocadura do río, rematando no punto de observación de aves. Unha das partes máis conflitivas de todo o percorrido foi xustamente unha zona do parque infantil que hai ao principio do camiño. O lugar onde hai situado unha pequena caseta cun banco estaba moi sucio, polo que acoutamos este sitio. Foi unha pena que algo destinado para a infancia se lle dea un uso que non lle corresponde, impedindo a este sector da sociedade o acceso a el. Unha vez máis, o que salientaba o alumnado era a cantidade de cabichas atopadas. Moitos deles e delas ían pensando que lle ían dicir aos seu familiares fumadores sobre este tema, pero o que si tiñan claro era que había que empregar as papeleiras. Pero ademais de fomentar esta conciencia ecolóxica e desfrutar dun momento para o lecer, aproveita
Leer más

Educación Infantil Limpeza.

Imagen
 O luns pola mañá dispuxémonos a facer a primeira das actividades a favor da Nai Terra. Esta vez tocoulles aos máis pequenos do centro. O alumnado de Educación Infantil foi quen se puxo “mans ao plástico”. Despois dunha pequena charla na que falamos da importancia de non tirar o lixo ao medio, diferenciando aquilo que é plástico do que son elementos naturais, puxemos os guantes e comezamos a tarefa. Logo dun tempo de traballo, as bolsas comezaron a encherse. Temos que dicir que a praia de Area, comparada con outras, está especialmente limpa. Aínda así, a pesar de que parecía que non había nada de lixo, recollemos moitos restos de aparellos, cordas, algunha botella e tapóns e outros materiais. Os nenos e nenas tamén recolleron algo que lles pareceuun plástico, pero non o era. Atoparon un ovo de raia que confundiron con este material. Despois da recollida tocou lavar mans e tomar unha boa merenda nas mesas. Nesa zona íanse fixando e vían tamén residuos no chan, moitos deles eran cabichas
Leer más

Rematando a tempada.

Imagen
 O final de curso é emocionante para todas as persoas do centro. É un tempo de cambios, proxectos que se van cerrando e outros que xorden a última hora, distintas maneiras de aproveitar o patio polo tempo que nos acompaña, visitas ao centro inesperadas e outras xa programadas, excursións fixadas e saídas non previstas... unha tolería da que nos deixamos contaxiar cada ano. O invernadoiro do centro tamén se contaxia deste ritmo frenético de final de curso. Hai que ir recollendo as verduras e hortalizas que xa teñen rematado o seu ciclo e repoñelas por outras que amosen o seu esplendor en setembro, cando esteamos todos e todas de volta. Volven ter presenza os vexetais que plantamos cada tempada, como os pementos ou os allos porros, colándose outros de maneira fortuíta, como as remolachas ou as fabas de Lourenzá. Todos eles darannos, no mellor dos casos, a súa benvida no novo curso. E durante o verán tocaralles medrar, asociándose con outras plantas que lle sexan beneficiosas, collendo a
Leer más